（惠英紅及謝君豪在劇中大鬥演技。）
（惠英紅坦言是因為劇集製作高質素打動自己接拍。）
由FOX原創的華語迷你劇《心冤》，以三單曾經轟動一時的兇殺肢解案件為藍本，找來電影導演葉念琛操刀，惠英紅、黃秋生等重量級人馬主演，集懸疑、血腥暴力、動作等重火力及重口味於一身。
惠英紅在劇中飾演查案探員，面對的案件既沉重又血腥，尺度與製作有異於傳統港劇。對此，紅姐坦言是因為製作高質素打動她：「正統電視劇未必拍，希望自己所有作品出嚟係高水準，畀觀眾有嘩然感，我而家追求呢啲，正統電視台劇集唔需要拍你，可返內地拍，片酬更高，係高質素先拍。」
一拍即合冇壓力
葉念琛今次一連邀請到幾位重量級人馬演出，他表示：「冇壓力，我唔驚被拒絕，成日話傾演員同約女仔食飯一樣，要開口，我同FOX合作好快達成，傾演員時我係向一位女主角出發，提出紅姐後即去傾，當時咩都冇喺手，只係同佢講故仔，紅姐好爽快，餐飯未食夠半個鐘就答應咗。」紅姐聞言笑說：「食完鮑魚重唔答應咩！」
下載APP