張栢芝繼2012年演出《危險關係》後，早前宣布同韓國男子天團Big Bang成員T.O.P.合作新戲《失控．幽靈飛車》，相隔四年復出大銀幕。T.O.P.喺戲中飾演國際刑警，而張栢芝則扮演赴德國出席活動嘅女明星，但意外陷入驚天陰謀。今次新戲係T.O.P.入伍前嘅最後一部作品，預計會喺今年下半年正式上映。
張栢芝完成拍攝工作後，同T.O.P.等人影合照留念。
由於戲中有唔少動作戲分，所以張栢芝同T.O.P.早喺今年4月就已經飛到德國進行訓練，而T.O.P.亦不時透過Instagram向粉絲匯報近況。經過幾個月嘅拍攝後，噚日張栢芝嘅戲分已經全部完成，除咗同一班演員影合照留念之外，佢仲喺片場向劇組工作人員大派利是，最後亦獲得劇組回送禮物。
T.O.P.喺戲中飾演國際刑警，張栢芝則扮演赴德國出席活動嘅女明星。
下載APP