張學友獲妻女支持淚灑紅館

「歌神」張學友帶領整個《學友．經典》世界巡迴演唱會，走遍全球97個城市，以香港作為巡迴終結。日前，他在紅館演出《學友．經典 －香港站． 再見篇》第15場，亦是巡迴的尾場第233場，創下新記錄。見證歷史時刻的，還有他的太太羅美薇、大女張瑤華及一眾圈中好友。在尾場致謝時，學友表現感 觸，更兩度含淚哽咽。

完成整個巡迴，學友被問到最想做的事情，他無奈說：「有種失業嘅感覺，我係講真嘅，第一件事諗聽日點呢？下個禮拜又點？都冇嘢做喎。」他解釋因為過 去兩年多，生活都好規律，好機械式做運動及演出。

雖然懷着失業的失落感，但學友依然以家人為重， 他指是時候將自己交回給家人，他透露尾場全家都有出席：「老婆都有嚟，佢坐喺控制台上面，大女睇咗10幾場，細女睇咗5、6場，因為要返學唔可以睇太多。」 講到大女睇得投入，是否已成為歌迷？學友笑說：「係呀！佢以前唔係㗎，所以算係今次一個收穫，最主要係令我哋多啲話題傾。佢都有畀意見，但唔係好專業，冇乜參考價值。」

（張學友完成233場演唱會，創下新記錄。）