噚日，內地話題女星張馨予被媒體影到出席飯局時，分別同三男一女火辣激吻、摸胸等畫面，引嚟網民熱烈討論！喺曝光嘅影片中，張馨予同一班人喺一個包廂食飯，佢拎住杯紅酒、戴住棒球帽，並先後同三名男子有親密動作，其中一名男子更被認出係佢目前拍攝緊嘅新戲《思美人》嘅製片人梁振華。
喺視頻中，張馨予向新戲製片人投懷送抱主動獻吻。
張馨予先向梁振華投懷送抱、主動獻吻，之後佢反被對方襲胸，但奇怪嘅係張馨予竟然冇反抗，反而笑得非常開心！兩人玩完一輪之後，張馨予又同另外兩名男人攬頭攬頸，玩得興奮之餘亦有互相錫臉。不過，張馨予似乎仲未夠皮，皆因佢再同現場嘅一名白衣長髮女子打車輪，兩人更當眾上下其手互摸！有網民就話難怪張馨予咁紅，原來男女通殺，果然識撈！
一向靠是非上位嘅張馨予，今次又被爆大鑊。
下載APP