做Show同做慈善係一線之差

東華三院《誌友共聚 慈善音樂會》前晚（22日）於香港伊館舉行，活動為「東華三院樂儀癌病治療資助基金」籌募經費。東華現任主席王賢誌（Vinci）更邀請了多年無在公開場合現身的李珊珊上台分享，身材明顯略胖的她公開了苦戰病魔的經歷，成為全晚外界最關注的一幕。不過Vinci透過「碌．人．情．卡」而令到活動星光熠熠，似乎令到當晚另一位重量級嘉賓汪明荃（阿姐）有話兒，她在Instagram上有感而發，指留意以往報道，Vinci過去為東華舉辨的活動都是靠「碌．人．情．卡」，Vinci幾乎任何藝人都請得到，令到東華活動得到坊間不少關注！

阿姐咁講：「呢張人情卡之所以能夠碌到咁多人撐東華，你喺演藝界儲返嚟嘅人脈關係當然重要，但係希望你都記得，要感激返你家族建立嘅慈善網絡、東華三院過百年建立嘅基業、同埋呢一年，你講一句，之後就幫你衝鋒陷陣、捱更抵夜嘅東華團隊，有佢哋做你嘅後盾，你呢張人情卡，先至可以咁有份量，令你得到咁光輝嘅成績！」

阿姐愈講愈興起：「做Show同做慈善，其實係一線之差。做Show，只係希望大家留意台前嘅表演者；做慈善，係想大家關心背後嘅受惠者。」最後她更叫Vinci努力兼加油，不少網民認為身為娛圈中流砥柱的阿姐，講番說話都有見地過人，真係睇通睇透。

（編輯：黎永樂 李倩瀅）

（阿姐又用「汪阿tag」上載與東華主席王賢誌的合照。）