G.E.M.含淚感激歌迷冇離座

G.E.M.的澳門騷因技術故障，延遲了近兩小時才正式開騷。

G.E.M.個唱上，王嘉爾驚喜現身，他拖手撑對方。

在演唱會上，G.E.M.含淚感激現場觀眾沒有因延遲演出而離座。

日前， 鄧紫棋（G.E.M.）於澳門威尼斯人金光綜藝館舉行「Queen ofHearts世界巡迴演唱會」，但在開騷前發生了小插曲，由於會場部分器材出現技術故障，令升降台未能運作，經搶修後延遲了近兩小時才正式開騷。等候期間，在後台心急如焚的G.E.M. 即透過社交平台開直播「耍冧」，並即席自彈自唱安撫歌迷。她說：「我喺後台開了個 Talk Show一樣，講咗一個鐘仍未上台，真係擔心場內觀眾嘅心情。」整個騷雖然遲了開始，但全場觀眾在G.E.M. 一口氣唱出三首歌後，即變得情緒高漲。雖然個唱未有因遲開騷而受到影響，但G.E.M. 在台上再一次道歉：「真係好抱歉，要你哋喺座位等足兩個鐘，知道好多朋友要趕船，我真喺好抱歉；我媽媽有朋友因為趕船，未聽到三首歌就要走，其實我上台前非常緊張，非常抱歉，上台後看到全場仍是滿座，真係好感動！」

「好細佬」王嘉爾拖手撑

G.E.M.唱足兩個多小時， 在唱〈存在〉時忍不住落淚，全場觀眾報以熱烈歡呼聲以表支持，但要數全晚高潮位，一定是在Encore 環節，G.E.M. 唱出〈安靜〉時， 韓團GOT 7 香港成員王嘉爾（Jackson）突然驚喜出現，二人手拖手合唱之餘，又互捉對方的手，與現場觀眾凌空勾手指尾，促歌迷要承諾繼續支持他們，Jackson更在台上說：「家姐開騷，細佬梗要撐場！ 」

爆Jackson廣東話騎呢

對於姊弟相稱，G.E.M. 笑說：「Jackson廣東話好騎呢，一開始佢唔係叫我家姐，係叫我阿姐，起初以為佢係開玩笑，殊不知佢每次見到我都係叫阿姐，我終於忍唔住跟佢講『唔好再叫我阿姐，叫到老晒』，後來我先發現佢原來以為阿姐就係家姐意思。」