近年足球運動吸引不少女球迷留意,球衣生產商為迎合市場需求,都紛紛生產女裝球衣!之不過,此一系列球衣在本澳銷路始終麻麻,原因其實與設計好有關係!
女裝球衣有三大特色,一是領口位開得低,其次就是袖短及收腰,相當之「蝦」人著,冇身材、手臂多肉或有水桶腰,以上任何中一瓣,亦好難著得好睇。
「S.L.球衣會社」負責人陳小姐笑言,澳門女仔身材其實唔差,但大多寧願揀落場版都唔著女裝,只因後者太暴露!「可能係澳門女仔都較為保守關係,唔慣露太多肉,女裝版波衫胸口位開得好低,著出嚟可能會有啲尷尬!」
女裝反應平平,反之童裝在本澳就成為「熱賣品」。「唔少家庭客都一家大細買波衫,每個家庭成員一件,拉動咗童裝銷量!」