冧莊冠軍黃嘉雯支持決定

去年（左起）港姐冠軍黄嘉雯、亞軍王菲及季軍古佩玲未能卸任，冧莊一年。（TVB截圖）

新冠肺炎肆虐全球，香港累計個案接近破千，港府更實施「限聚令」，無綫憂慮到疫情影響，決定破例停辦第48屆《2020香港小姐競選》，早前原定2月舉行的《2020國際中華小姐競選》也由延期宣布暫停。TVB就港姐停辦一事亦回覆傳媒查詢：「鑑於新冠肺炎疫情全球肆虐，未有緩和跡象，大會決定今年暫停舉行，以保障香港及海外參賽者健康。2019香港小姐冠軍黄嘉雯、亞軍王菲、季軍古佩玲及友誼小姐陳熙蕊，亦會與歷屆港姐，繼續肩負起推廣香港之使命。另原定今年2月中旬舉行之《2020國際中華小姐競選》，較早前因疫情影響需作延期，現亦決定今年暫停舉行。」

應屆港姐冠軍黃嘉雯，對於停辦新一屆港姐即表示：「我都係噚日先至收到呢個消息。面對疫情影響，我相信大家依家都好努力抗疫，雖然取消港姐真係好可惜，但我都支持公司嘅做法，因為佢哋都係以佳麗們同工作人員嘅健康安全為考慮，始終過程都可能會有危險，大家又無可能長期帶口罩等等，希望大家同心協力度過難關，疫情快啲過去先係最重要！」（編輯：黎永樂）