科大Brunch買二送一

位於科技大學的「季節餐廳」是一間教學餐廳，廚房奉行「Farm to Table」意念，堅持使用校園內「季節農場」的有機農作物做食材，加上收費又夠平民化，成功吸引一班捧場客！最近餐廳首次推出自助早午餐，除帶來世界各地的頂級海鮮，更新增戶外燒烤區，由專人將肉排及海鮮燒香再放上檯，保證新鮮熱辣。

自助早午餐以海鮮作主打，生蠔、大蝦、長腳蟹及青口應有盡有。（李國星攝）

早午餐的食物種類不算多，但用料都是嚴選的環球靚貨。以海鮮區為例，囊括阿拉斯加長腳蟹、澳洲蠔及美國青口等；燒烤區則備有八吋長的印尼虎蝦、澳洲羊架、美國Prime級西冷牛扒及厚身魷魚等；而甜品區更有當紅的流心芝士撻、馬卡龍、Cheese cake、泡芙等近廿款選擇。特別推薦辣味紅莓慕絲，在紅莓慕絲內加入Tabasco辣椒醬，入口時酸中帶甜，勁醒胃！不得不提，餐廳最近同步推出買二送一優惠吸客，只要關注「季節」的微信或facebook專頁，轉發相關帖文即可享用，折後每位只需250零蚊，性價比超班！

虎蝦、扇貝、羊架及雞扒等，統統即席燒製，熱辣辣上檯。

甜品陣容強大，必試辣味紅莓慕絲和流心芝士撻！

日期：即日起至8月31日

價錢：MOP 388/ 位