預告下周公布BB性別

陳凱琳巨肚亮相活動
30/06/2020
9110
收藏
分享
陳凱琳巨肚亮相活動
陳凱琳巨肚亮相活動
陳凱琳巨肚亮相活動
陳凱琳巨肚亮相活動
陳凱琳巨肚亮相活動
陳凱琳巨肚亮相活動

陳凱琳預告於下星期舉行Baby Shower時,宣布BB性別。

前港姐冠軍陳凱琳(Grace)和鄭嘉穎於2018年拉埋天窗,婚後育有一歲多囝囝鄭承悅(Rafael),兩公婆早前於「520」公布再度「造人」成功。Grace宣布陀第二胎後,昨日(29日)首度現身活動,她腳踏三吋幾高踭鞋,身穿貼身裙肚凸凸,目測她有近五個月身孕,上圍更明顯升Cup,但身形依舊纖瘦。對於有指她想轉型做KOL,Grace否認:「仲好大戲癮,但始終家庭放第一位。」(文:黃琪、植筱詩)

接受訪問時Grace表示懷孕期過了一半有多:「幾多個月唔講,總之好穩定、健康,今次比第一胎舒服,胃口幾好。談及BB性別,她預告將於下星期舉行Baby Shower切蛋糕時宣布:「做媽咪都鍾意慶祝,而且第一個BB有,第二個都希望有。」Grace透露囝囝Rafael暫時未意會升任哥哥,她說:「佢可能仲細,唔係好知道,但見住佢一日一日成長識行識走好神奇,佢試過走埋嚟篤一篤我個肚就行咗去。」

同家人簡單慶祝生日

避免哥哥日後呷醋,所以Grace提前收集坊間意見買定禮物代送給他:「佢比較鍾意睇書,成日坐喺我大髀要我讀書佢聽,希望繼續培養佢呢個習慣。」Grace第一胎選擇開刀分娩,今次仍在考慮中:「仲未決定,順其自然,我個人較細粒,安全起見交畀醫生決定,自己唔諗,總之食得瞓得就OK。」Grace透露早前29歲生日與家人簡單食飯慶祝,老公鄭嘉穎送了她喜歡的禮物,她笑說:「我出年先三十大壽,出年先約多啲朋友一齊慶祝啦。」

陳凱琳陀巨肚穿著性感吊帶裙出席公開活動。

於母親節當天公開囝囝Rafael近照。

陳凱琳強調自己仍有戲癮,但會以家庭為先。

陳凱琳發文為龔嘉欣有份演出的新劇打氣。

懷孕後上圍急升Cup

見Grace腹大便便還腳踩高踭鞋,她即指:「呢對唔高啦,嘉穎知我工作出場時先着,之後立刻換返,OK嘅。」談及大肚後上圍明顯升Cup,Grace即撒嬌:「我唔講呢啲呀,的確上磅重咗十幾磅,之後都要Keep,好多人都嚇我生完第二胎難收身。」提到傳聞婚後忙照顧家庭而頻推劇,老公鄭嘉穎回巢拍劇是為她還劇債?Grace否認:「可以咁咩?當然唔係,大家有商有量,嘉穎返去同好朋友馬國明拍劇都好開心。」

與無綫仍有合約在身

Grace強調自己仍有戲癮,但會以家庭為先。對於有指她想半退出幕前當全職KOL,與TVB主動提解約,Grace否認其事,直言和無綫仍有合約在身。此外,龔嘉欣有份演出的TVB新劇《殺手》於昨晚首播,Grace不忘於社交網站發文為好姊妹打氣,她貼出兩人昔日的舊照,並表示:「如果要形容我哋嘅友誼,英文有句話:Thank you for being the ketchup to my fries,意思係:最佳拍檔﹗你套新劇嘅首播,我一定會坐定定喺電視面前支持你。」

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

實時天氣

溫度
28°C
濕度
89%
大致天晴。吹3至4級偏南風。
天氣資料由地球物理暨氣象局提供
在澳門時間 2020-07-12 21:00 發佈

七日預報

7月13日 (一)
溫度 33°C
濕度 95%
天氣酷熱。大致天晴。吹3至4級南至西南風。
7月14日 (二)
溫度 34°C
濕度 95%
天氣酷熱。大致天晴。吹3至4級西南風。
7月15日 (三)
溫度 33°C
濕度 95%
天氣酷熱。天晴,部份時間多雲。有一兩陣驟雨。吹3至4級西南風,間中5級及有陣風。
7月16日 (四)
溫度 33°C
濕度 95%
天氣酷熱。天晴,部份時間多雲。有一兩陣驟雨。吹3至5級南至西南風及有陣風。
7月17日 (五)
溫度 33°C
濕度 95%
天氣酷熱。天晴,部份時間多雲。有一兩陣驟雨。吹3至5級南至西南風及有陣風。
7月18日 (六)
溫度 33°C
濕度 95%
天氣酷熱。天晴,部份時間多雲。有一兩陣驟雨。吹3至4級偏南風。