昨日，鄧麗欣（Stephy）、周秀娜和樂基兒在香港尖沙咀出席新戲《女士復仇》煞科宴，三人大談拍攝時的趣事。在現場，Stephy否認了與方力申（小方）復合的傳聞，她坦言不介意對方來看首映，亦不抗拒兩人再次合作。不過，Stephy拒絕再與小方演情侶，她還搞鬼表示：「演父女就OK。」
鄧麗欣否認了與方力申復合的傳聞。
在接受採訪時，相隔多年後再接拍電影的樂基兒，透露將首度拍攝動作戲分，她表示：「第一次拍有少少難度，喺戲入面要揸槍，但我學極都唔似，因為好緊張，導演都叫我放鬆啲。」以型格打扮現身的周秀娜，則透露在片中十分貪靚，她說：「我個角色出街會著到花枝招展，喺屋企就著得好Sexy，時刻都打扮得一絲不苟。」
周秀娜、鄧麗欣和樂基兒出席新戲煞科宴。
唔介意小方睇首映
Stephy表示在新戲中將拋開以往銀幕形象，首度破格飾演女殺手。談及日前有報道指她與小方復合，Stephy否認表示：「冇見過面，都冇聯絡，大家都忙緊，但有關注佢社交網站，知道佢喺外地拍緊戲。」問Stephy未來會否邀請小方出席新戲首映禮？她說：「導演應該想請佢，我唔會介意，但都唔想咁刻意。」
《女士復仇》舉行煞科宴，一眾演員齊齊影大合照。
拒絕再次飾演情侶
問到若獲重金邀請會否再和小方合作？Stephy坦言不會抗拒，她說：「之前有人唔知係咪講笑，話請我哋一齊拍戲，當時我話唔介意，但始終係兩個人嘅意願。短時間內應該唔會合作，無謂拎感情做宣傳，大家都會唔自然。」當問到兩人會否再度飾演情侶時，Stephy即抗拒表示：「唔會考慮，演父女我OK，演母子就唔好！」
鄧麗欣坦言不介意與方力申合作，但就拒絕再演情侶。
下載APP