邱禮濤（右）笑指劉青雲曾演過消防員，體能應付理應綽綽有餘。（電影公司提供）
劉青雲（左）和劉德華一得閒就大講車經和美容經。（電影公司提供）
由劉德華（華仔）監製兼主演的《拆彈專家》於2017年上映叫好叫座。事隔三年，《拆彈專家2》將於今年底壓軸登場，除了原有班底，新片更邀得金像影帝劉青雲、金馬影帝謝君豪等加盟，跟劉德華合組「完美影帝三叉戟」，認真戲碼十足！不過，初嘗拆彈的劉青雲則大呼「份工唔易做」，要孭住70磅的裝備令他大感頭暈。幸好，華仔不時會跟劉青雲講車經、講美容，鏡頭後可以輕輕鬆鬆！
新加盟《拆彈專家2》的劉青雲，在戲中飾演「拆彈專家」總督察，在拍攝過程中，青雲不時要身穿70磅重的拆彈裝上陣，猶記得首日開工，青雲便要與華仔拍攝一場「拆彈」戲，期間「全副武裝」上陣的劉青雲，在鏡頭前看似威風凜凜，不過在鏡頭後除下頭盔，他即笑言焗到頭暈暈。56歲的他為拍戲依然搏晒命！
可是，《拆》片導演邱禮濤似乎不太認同，他笑指劉青雲曾於電影《十萬火急》飾演消防員，體能應付理應綽綽有餘；事後問到青雲演拆彈專家還是消防員比較辛苦？他表示：「原來做拆彈專家嘅裝備，重過做消防員好多，消防員嘅制服唔重，只係個氧氣筒重，但如果加埋拍攝過程，就應該演消防員辛苦啲，畢竟拆彈專家唔使周圍跑、上落樓梯，但演消防員就要跑來跑去，體能上付出較多。」（編輯：黎永樂）
下載APP