原子鏸孖摩洛哥籍丈夫影大肚寫真。
原子鏸陀B期間照做瑜伽，她指老公聽到開始都有少少驚。
去年9月宣布跟摩洛哥籍丈夫Mehdi El Ajimi一索得男的前港姐原子鏸（Marsha），預產期將於今年3月，日前Marsha趁大肚留倩影，跟老公一同影孕照，雖然Marsha腹大便便，但體態依然纖瘦，名副其實肥肚不肥身。Marsha透露懷孕期間一直有做瑜伽及散步，每日差不多做兩、三小時運動，她說：「本身喜歡做運動，唔想自己會好腫，所以日日都有運動，其實我做完瑜伽之後，發覺佢（BB）喺肚裡都會郁好多，好似喺肚裡做瑜伽咁。（老公有冇支持你做瑜伽？）支持，但一開始佢都有啲驚，瑜伽老師都叫我小心啲。」問到身在美國的媽媽鄭佩佩可有緊張她懷孕？Marsha表示沒有，並指媽媽在美國很少出街，她生完後會帶小朋友探婆婆。問到媽咪有否幫BB改中文名？Marsha指中文名留給她爸爸去改，如果不給他改，他會不開心。
下載APP