昨日，李克勤在香港尖沙咀酒店舉行盛大發布會，宣正式加盟英皇娛樂，並舉行簽約儀式。圈中一眾好友，包括：劉德華、謝霆鋒、鄭秀文、許志安、容祖兒、古巨基及張敬軒等，都有拍片送上祝福。李克勤承認今次轉會是因為過檔費吸引，同時亦希望轉新公司幫助到他開拓內地市場。
李克勤舉行盛大發布會，宣正式加盟英皇娛樂。
發布會開場時，現場弦樂團即場演奏李克勤過去的經典名曲串燒歌，包括：〈月半小夜曲〉，〈我不會唱歌〉，〈紅日〉等，同時播放李克勤過去參與的電視劇和頒獎禮的片段。當司儀問到轉會的原因時，本是曼聯球迷的李克勤笑言：「我係一個男人，男人需要接受唔同挑戰。好似踢波咁，踢咗30年英超，都會想試下踢西甲。」
劉德華、鄭秀文、容祖兒等圈中好友紛紛拍片支持李克勤。
楊受成爆克勤轉會真相
談及有報道指今次過檔費高達3,000萬天價，李克勤聽聞即大賣口乖表示：「價錢足夠仔仔有機會去外國讀書，又可以畀老婆去英皇珠寶揀少少飾物。」對於有傳轉會是由好友容祖兒出面拉攏，老闆楊受成表示：「要幫祖兒澄清番，唔關佢嘅事，其實我喺四年前已經開始接觸克勤，我哋發展咗四年地下情。」
英皇娛樂老闆楊受成，坦言四年前已開始拉攏李克勤加盟。
克勤轉會問校長意見
問到合作多年的老友譚詠麟（校長）為何沒有拍片支持？李克勤解釋：「冇理由叫前公司嘅歌手拍片，都唔想為難校長。其實我有問過佢，佢話怕尷尬，但佢私下有恭喜我。」李克勤指校長是自己生命中的貴人，所以決定轉會前亦有問對方意見，他說：「校長好似我老豆，當初有同佢傾，佢話藝人係海鮮價，有好嘅價錢就走。」
李克勤視譚詠麟為老豆，強調和前公司環球唱片沒有不歡而散。
下載APP