英超賽事13日凌晨利物浦作客列斯聯，最終以3：0大勝，不過利物浦賽後卻開心不起來，因為年僅18歲的超新星哈維艾利洛在比賽期間遭對手從後飛鏟，左腳足踝嚴重變形，被擔架抬下場送院。利物浦領隊高普表示：「我見到佢隻腳唔喺正常位置。」
今場利物浦開賽20分鐘首開紀錄，穆罕默德沙拿接應傳中球撞入，50分鐘再由法賓奴泰華利斯入波。此時，本將被替換下場的哈維艾利洛正在中場推進，列斯聯後防柏斯高使杜爾克從後飛鏟，哈維艾利洛倒地後一度想起身唔成功，穆罕默德沙拿急召隊醫入場，只見哈維艾利洛左腳足踝斷裂移位兼變形，最後由擔架床抬走送去醫院進行手術。
領隊高普賽後表示，「我哋肯定會喺身邊支持佢。利物浦之後會繼續比賽，同時會等佢回歸，因為佢係一個頂級球員。」賽後消息指，哈維艾利洛將在幾日內進行手術。
法賓奴泰華利斯在第50分鐘入波，鎖定勝局。（美聯社圖片）
哈維艾利洛左腳踝嚴重受傷，隊友及對手均上前安慰支持。（美聯社圖片）
下載APP