MIRROR成員陳卓賢（Ian）在情人節推出的新歌〈留一天與你喘息〉， MV在YouTube播放兩天已達120萬點擊率。他曾說過這首歌是送給Hellosss（Ian粉絲）的禮物，Hellosss當然也不負偶像期望，齊齊出力幫Ian打破他的單曲瀏覽紀錄。
新歌不單有Hellosss支持，連ViuTV的董事兼總經理魯庭暉亦在社交平台力撑。魯生說了兩個故事，長故事道出他認識MV女主角袁澧林（Angela）的經過，短故事是形容Ian，只有「後樓梯」三個字。魯生解釋：「有啲人一直其實好努力，但唔代表佢要長篇大論話你聽。每個人嘅經歷都唔同，開心同唔開心，其他人未必理解。我哋身邊嘅人要做嘅，就係相信佢，陪住佢。因為，佢一定會一步一步咁，越嚟越好。最後，我只係想講，有啲故事好自然就會寫到出嚟，有啲故事呢，要好努力好努力，經歷好多好多，先至會發生。冇嘢要比較，冇話邊個好，但所有故事都有共同嘅一點，就係，繼續寫落去。」Ian留言回應魯生：「Please dont make me cry.」
有老闆出口明言陪伴走下去，又有一班Hellosss擁戴支持，相信Ian的新歌會再創佳績。 （編輯：游子欣）
魯庭暉發文支持陳卓賢推出的新歌〈留一天與你喘息〉ＭＶ。（圖：魯庭暉 ig）
獲老闆魯庭暉發文支持自己，陳卓賢回應不要弄哭他。（圖：魯庭暉 ig）
陳卓賢推出的新歌〈留一天與你喘息〉在YouTube已達120萬點擊率。（圖：陳卓賢 ig）
陳卓賢在情人節也向Hellosss派福利。（圖：陳卓賢 ig）
下載APP