農曆新年將至，今晚（15日）賀年特別版的《獎門人新春感謝祭》，除了有「獎門人」曾志偉，帶領五位「獎老」阮兆祥、林秀怡、吳嘉儀、程浩駿及徐文浩外，還有「元老級獎老」林曉峰（阿Lo）回歸擔任主持，實屬難得。至於嘉賓陣容包括「兔兔收得隊」何超蓮、陳瀅、王灝兒（JW）、黃洛妍（Janees）、侯雋熙（Duncan）、文佐匡（Sean）、陳昊廷（Timothy），以及「美女猛獸隊」余思霆、陳嘉慧、彭慧中及陳星妤等。
有「最靚千金」之稱的已故賭王何鴻燊女兒何超蓮首度現身《獎門人》，甫開場她便興奮謂：「我自薦上嚟㗎，好想上嚟玩！」零架子的超蓮全程傾盡全力玩，不介意食「辣壽桃包」兼濕身之餘，還於「口噏噏」環節因錯誤解讀JW講粗口，搞到一頭霧水「天然呆」，令全場爆笑。
面對「鑽石級女神」大駕光臨，在場男士也瞬間變「怕醜綿羊仔」；當進行「坐波波」環節時，負責夾實氣球的Sean與Timothy一埋位已面青，超蓮忍唔住呻：「做咩啫？！我依家好恐怖咩？」話口未完，獎門人忽然無預警衝前坐爆Sean大髀上的汽球，為超蓮這位VVIP作親身示範，受「重創」的Sean嚇到魂魄唔齊，Timothy見狀亦驚到牙都震……其間，玩得投入的超蓮來回跑跑跳跳，搞到索晒氣兼大嗌「腳軟」，此時獎門人再「怒坐」Timothy向超蓮傳授秘技，場面搞笑。 （編輯：游子欣）
何超蓮首度現身《獎門人》玩得投入。（相關機構圖片）
何超蓮落力玩「坐波波」遊戲。（相關機構圖片）
獎門人親自向超蓮傳授「爆波」秘技。（相關機構圖片）
JW以「魚躍龍門」奇招飛跳爆波，嚇到Sean大聲慘叫。（相關機構圖片）
何超蓮玩「口噏噏」環節時以為JW爆粗，令佢瞬間反應「天然呆」。（相關機構圖片）
何超蓮輸咗「口不對心」遊戲，要被罰食「辣壽桃包」。（相關機構圖片）
（左起）JW捱義氣為超蓮分食半件「辣壽桃包」。（相關機構圖片）
「兔兔收得隊」成員食「辣壽桃包」，陳瀅及JW食到表情痛苦。（相關機構圖片）
「美女猛獸隊」成員都有全隊受罰食包。（相關機構圖片）
「兔兔收得隊」成員（左起）陳瀅、何超蓮、Duncan、Janees、Sean、Timothy及JW。
超蓮究竟有冇開口中呢？（相關機構圖片）
（左起）陳瀅同超蓮玩遊戲淋到濕晒都唔介意。（相關機構圖片）
（右起）兩位靚女陳瀅及陳星妤鬥啜乒乓波。（相關機構圖片）
呢班女士玩「爭櫈仔」玩到好嘈，超蓮在後面睇到O嘴。（相關機構圖片）
下載APP