吳若希陀B三個月

24歲香港女歌手吳若希和澳門商人Alex Ho閃分閃合，兩人戀情撲朔迷離。早前，有傳吳若希懷孕向TVB請假一年，並搬去澳門男友的豪宅安胎。其後，吳若希於Instagram發文暗示有喜。昨日，吳若希終於公開承認陀B三個月，她透露預產期在明年5月，並非常開心接受大家的祝福。

吳若希和澳門商人Alex閃分閃合，兩人戀情撲朔迷離。

昨日，吳若希透過網上直播接受TVB節目專訪。對於她早前於Instagram發文表示有幸福的事情要分享，令外界猜測她是要公布懷孕的喜訊。對此，吳若希表示：「呢件幸福嘅開心事就係我就嚟做媽媽啦！多謝大家，因為陸續有啲傳言出咗嚟，當中有真嘅、有假嘅，所以想同大家講清楚，好開心接受大家嘅祝福。」

吳若希透過TVB節目專訪，公開承認陀B女。

承認陀B三個月

問到現時是否已經知道BB的性別？吳若希表示：「其實係上星期先知道，就係B女嚟嘅，我同BB爸爸都好鍾意，冇話特別鍾意男仔定女仔，自己嘅小朋友只要佢係健康就足夠。」吳若希透露目前懷孕三個月多，她說：「其實唔係好想公布，但外界有咁多猜測，我始終都要出嚟同大家講番聲，明白自己係一個公眾人物。」

吳若希早前宣布停工休息，有傳搬去男友的豪宅安胎。

停工同懷孕無關

吳若希透露預產期在明年5月，她說：「有BB其實自己冇乜擔心，反而會見到身邊好多人會好緊張，BB爸爸而家成日唔畀我出街。」最後，吳若希強調懷孕和向公司請長假無關，她說：「原本係抱住休息嘅心態，唔想有太多新聞影響生活，當然亦有好多開心嘅嘢陸續發生，所以好希望件事係由自己開口講。」

吳若希和男友Alex閃分閃合，兩人戀情撲朔迷離。