ViuTV新節目《全星暑假——MIRROR+》今晚 （31日）一集中，藍色隊代表Anson Kong、Edan和Alton及黑色隊代表Lokman、Ian和Frankie要限時在魔術貼賽道上全隊撞跌最多保齡球瓶的一隊就勝出。Edan作為首個出戰的成員已大派笑料，他完全偏離賽道，還巧妙地在終點前就打滾轉回原點，令全場爆笑。隨後，其他成員都分別成功於終點撞跌大部份的保齡球瓶。在旁的Edan不禁感嘆：「點解個個都咁易」，Lokman反笑他：「其實你先係最難呀！兜咗個圈，經過埋個終點，之後再返去起點」，Ian亦大讚Edan是一個綜藝前輩。而只掃跌一支保齡球瓶的Edan繼「兩秒安」後，再獲得「一支安」的稱號！
而由Jer對決Jeremy的氣球鬥室，雙方要鬥快弄爆氣球收集裡面成員的相片和撕去對方背上的大頭相，集齊12子就為之勝出。比賽前，成員大多預計Jer會勝出。姜濤笑言：「大家唔好睇Jer好似好溫馴咁，其實內裡都好火爆。Jeremy就係會自己先投降」，Anson Lo亦開玩笑指：「Jer會兇狠同我一定要贏嘅感覺」。而擔任今次遊戲評判的Stanley在開始前，亦表示投Jer會贏：「因為佢玩遊戲都幾狼死。Jeremy一定會讓佢，唔會重手。」Stanley開玩笑警告Jeremy千萬不要未開始已經打算遷讓對方，而Jeremy下定決心表示：「陣間就畀大家睇下咩叫狼死」！（編輯：游子欣）
Ian玩遊戲肉緊到連魔術貼賽道都整爛埋。（相關機構圖片）
Edan 被封為新名稱「一支安」。（相關機構圖片）
隊友Anson Kong和Alton安慰「一支安」。（相關機構圖片）
Ian和Lokman大讚 Edan 是「一支安」。（相關機構圖片）
Ian 大讚 Edan 亮眼的表現完全就是一個綜藝前輩。（相關機構圖片）
姜濤亦預測 Jer 會在氣球鬥室中勝出。（相關機構圖片）
下載APP