人氣王姜濤昨晚（5日）一連四晚在香港亞博館的個人演唱會《姜濤Keung To "Waves" In My Sight》尾場已經結束，能夠開個唱，又自肥請到偶像羅志祥（小豬）擔任嘉賓，姜濤表示：「實現晒所有夢想，好開心。」他又透露已答應小豬為他的香港演唱會做嘉賓，更豪氣稱到時如有工作都會為偶像推掉。
早前忍口多日的姜濤在台上表示，完騷後要去打邊爐，但小豬叫他少吃一點令他又改變主意：「小豬頭先叫我唔好打邊爐，咁我就唔打邊爐，佢講咩我都聽。」他記憶中是在馬來西亞音樂節中邀請小豬，而他一口便答應。被問到姜媽繼續性感Deep V做觀眾，姜濤回應：「我阿媽係control唔到，佢開心就得，唔好限制佢嘅衣著，根本唔係我想做Artist，係我阿媽想做Artist。」回答得傻氣又尷尬的姜濤，就是這一份真令姜糖們著迷。
曾說過唔唱又唱的〈Dear My Friend,〉，是姜濤特意獻給亡友中鋒，他解釋道：「本身講過唔再唱呢隻歌，今日綵排臨時決定唱，我都想唱⋯⋯覺得自己會冇嘢，喺咁重要嘅日子希望佢聽到，係值得嘅。」姜濤給自己的表現75分，他坦言開四場已經是極限，又自爆褲腳內曾受傷的腳部仍紮上繃帶出台，又自言在體力及歌藝仍有待提升。對於臨尾講的「下年見」，他事後透露：「耳機裡面有人叫我講『下年見』，我咪講囉！」 （編輯：游子欣）
姜濤能夠與偶像小豬一起又唱又跳，他笑言是實現了夢想。（圖：姜濤澳門應援團）
姜濤昨晚（5日）舉行個人演唱會的尾場演出，他坦言開四場已是自己的極限。（圖：姜濤澳門應援團）
曾承諾不會再公開唱〈Dear My Friend,〉一曲，但姜濤在尾場亦特別獻唱送給亡友中鋒。（圖：姜濤澳門應援團）
對於姜媽穿Deep V性感睇騷，他坦言控制唔到。（圖：姜濤澳門應援團）
肥仔梁業（紅衣）亦是個唱嘉賓之一。（圖：姜濤澳門應援團）
完騷後姜濤自爆原來受過傷的腳，要包紮繃帶才能上台。（圖：姜濤澳門應援團）
尾場開騷前多達4,000來自世界各地的姜糖在場外打氣。（圖：姜濤澳門應援團）
澳門姜糖亦陣容鼎盛，不少人連續四日到香港睇騷。（圖：姜濤澳門應援團）
下載APP