TVB偶像選秀節目《亞洲超星團》即將於月底播出，官方連日陸續釋出宣傳片曝光比賽片段，其中一條宣傳片中，香港代表冼靖峰（Archie）大晒靚聲跳唱韓團EXO的〈節奏〉，Archie舉手投足都自信十足，讓Rain點名大讚：「冼靖峰，你的聲音特別好聽！」超星導師C君則說：「佢主力是唱歌擔當，可能走到一條出路出嚟。」
另外同為香港代表的丁子朗講到今次最大得著，丁丁坦言：「我覺得一定係認識咗60幾個兄弟，舞台上我哋雖然係競爭對手，但係台下佢哋會毫無保留地教我唱歌跳舞。」Archie直言初時壓力很大：「世界各地嚟嘅選手其實好多已經係出咗道嘅藝人。」並分享了大家如何互相幫助：「有次我哋揀咗首普通話歌，隊中有兩位日本選手，我記得我係標記晒所有拼音畀佢哋，同佢哋一齊練，大家互相幫助之下，表演最終好順利完成！」丁丁續指參與《亞洲超星團》是希望證明自己：「我只係希望觀眾見到丁子朗唔同咗！」Archie則說：「我好想去證明畀大家睇，只要肯努力，乜嘢都可以做到！」 （編輯：游子欣）
丁丁表示希望大家看到他的轉變。（相關機構圖片）
冼靖峰（右）大晒唱功。（相關機構圖片）
Rain讚冼靖峰把聲特別好聽。（相關機構圖片）
（左起）冼靖峰與丁子朗大談今次參加《亞洲超星團》的最大得著。（相關機構圖片）
下載APP