早前， 香港富商劉鑾雄（大劉）高調同呂麗君斷絕關係後，火速同另一女友陳凱韻（甘比）入紙排期結婚。日前，大劉同甘比喺律師見證下簽紙成為合法夫妻。正式「升呢」做劉太後，甘比罕有接受媒體訪問，佢話同大劉一早已有結婚計劃：「幾年前已諗住結婚，所以冇特別大感受，生活一切如常。成為劉太好開心，亦好珍惜將來和劉生嘅每分每秒，希望一家人開開心心。」
劉鑾雄同甘比喺律師見證下，正式簽紙成為合法夫妻。
問到兩人會唔會補辦婚禮同親友一齊分享喜悅？甘比話暫時冇呢個打算：「一切等劉生養好個身體再講，其實要多謝我哋嘅一班朋友， 佢哋好似比我哋重開心， 有啲好友聽到呢個好消息重開心到喊。」問到大劉咁多年嚟做過令她感動嘅事，甘比話：「劉生本嚟就係一個感情豐富同細心嘅人，有時好多細微嘅事都會令人感動，好難特別舉例子。」
正式「升呢」做劉太後，甘比罕有接受媒體訪問。
下載APP