望造人大計早日成功

昨日，古巨基（基仔）現身香港沙田馬場，為「浪琴表香港國際賽事」擔任表演嘉賓，即場獻唱〈勁歌金曲〉、〈友共情〉等多首歌曲。在接受採訪時，基仔坦言一早知道好兄弟劉翔再婚一事，自封是圈中「拉鏈嘴」。談及「造人」大計，基仔表示雖然要四圍飛，但和老婆一直努力實行中，並希望早日成功。

古巨基即場獻唱〈勁歌金曲〉、〈友共情〉等多首歌曲。

在活動上，基仔表示聖誕會在紐約舉行巡迴演唱會，新年倒數則在上海。問到何時推出新專輯，基仔表示：「啱啱錄完嘅新碟係向哥哥（張國榮）致敬，入面都係翻唱哥哥嘅歌，只有一首新歌係送畀哥哥。今年係佢60大壽，本嚟想今年出，但製作上延遲咗，會喺明年2月推出。今次隻碟扣除開支，會全數捐畀哥哥嘅歌迷會。」

古巨基透露聖誕會在紐約舉行巡迴演唱會，新年倒數則在上海。

一早知劉翔再婚

早前，有報道指基仔於四年前購入擺花街的三個鋪位，因零售寒冬導致鋪租大瀉。對此，基仔表示：「租金係有啲調整，做生意有高有低，希望咁樣可以令租客好過啲，大家一齊去應對這個環境。」提到好兄弟劉翔與吳莎再婚一事，基仔坦言和劉翔經常聯絡，事前已經知道，他自封自己是圈中「拉鏈嘴」：「想等佢哋親自公布，希望佢哋開心。」

古巨基表示一早知道劉翔再婚，自封是圈中「拉鏈嘴」。

望早日造人成功

談及「造人」大計，基仔坦言一直都有計劃：「我都想快啲成功，有實行緊，雖然要周圍飛，但老婆都一齊飛。」問到生仔是不是他2017年最大目標？基仔表示：「盡力做，之後就交畀個天，話係目標就太大壓力，呢樣嘢唔可以有壓力。（鍾意仔定女？）仔女都可以，如果女就多個上世情人，仔就多個Buddy，有就得，照殺。」

自結婚以來，古巨基和老婆一直努力實行「造人」大計。