今日,鍾嘉欣著住低胸晚裝,罕有大晒三吋事業線出席公開活動,佢話而家要做「空中飛人」,因為經常加拿大、香港兩邊飛。談及生完女兒Kelly後,上圍明顯升cup,鍾嘉欣笑言:「升咗少少,因為餵人奶之後,會好似為小朋友度身訂造咁,都唔會大好多。」問到幾時打算追生二胎,佢冧笑話:「等Kelly一歲半先考慮,畀我足夠時間愛Kelly先。」
講到TVB搵返原班人馬開拍《溏心風暴3》,鍾嘉欣話暫時唔會拍太長時間嘅劇:「我喺加拿大有見夏雨哥,我哋都好開心,而且我見今次有好多新人,相信都會再創造啲新經典角色。」對於有傳好姊妹王君馨於今年4月結婚?鍾嘉欣話:「等君馨自己講,我都好榮幸同緊張。」