陳展鵬同胡定欣因合作TVB劇集《城寨英雄》而傳出緋聞,兩人一齊做宣傳、一齊掘金,之後又被拍到同車去食糖水。雖然兩人沒有公開承認戀情,但都差不多默認。不過,噚日陳展鵬被拍到同一名年輕索女到山頂談情,而呢名女子唔係胡定欣,而係應屆港姐之一26歲單文柔。當時陳展鵬被拍照後,十分慌張,更想極速開車閃人,但結果撞到採訪車。
事後,陳展鵬接受訪問時否認與單文柔拍拖,佢話:「我同佢識咗一段時間,我有份做港姐評審。佢幫我做Styling,因為佢喺英國讀Fashion,有時會幫我執嚇衫,當日我想請番佢食飯,但做完嘢晏咗少少,中環冇位食,就諗不如買嘢上車食。」此外,陳展鵬仲強調自己同胡定欣冇拍拖:「定欣係我心中嘅完美女神,佢運動出色、夠爽朗、好靚,身材好,不過工作還工作。」