原本喺上星期六於澳門舉行演唱會嘅張敬軒（軒仔），因為患上嚴重流感引發肺炎入院，除咗澳門演唱會要延期至2月27日舉行外，仲影響到佢其他嘅工作活動。不過，一向喺圈中人緣唔錯嘅軒仔，就獲林峯仗義幫手，出席喺將軍澳舉行嘅「Doraemon Run 2016」跑步賽記者會。林峯就話打過電話畀軒仔，聽到佢把聲沙晒，希望佢可以快啲康復！
林峯話打過電話畀張敬軒，希望佢可以快啲康復！
近日，林峯為4月29日至5月1日舉行嘅演唱會積極操練，而佢嘅身形都明顯Fit咗好多，佢就話：「我要操肌肉同線條，要皮薄餡靚。」不過，有記者問到佢農曆年咁多美食，係唔係可以戒口？林峯就笑笑口話：「同屋企人講咗唔好迫我食嘢，但食鮑魚冇問題，太多糖分就唔好！」至於佢幫軒仔出席活動有冇收酬勞？林峯就答：「我唔知，係公司安排，冇乜所謂。」
張敬軒患上嚴重流感引發肺炎入院，所以澳門演唱會延期舉。
張敬軒與澳門歌迷過聖誕
張敬軒延續倫敦音樂之旅
與林家謙音樂會延下周舉行
張敬軒聲帶嚴重發炎抱恙
莫文蔚否認加入《乘風破浪5》
橫跨不同時代港星齊集澳門
Juno做足功課客串演黑幫
張敬軒演唱中段變聲沙自爆飆冷汗
重現跨越40年攝影經典作品
92 歲修哥來澳開唱再破紀錄
以傳統方式演繹西方荒誕劇
胡楓憶述澳門童年點滴
Energy唯一簽唱會擠滿5千人
下載APP