鄰埠香港的芝士撻熱潮打得火熱，如今想食新鮮出爐的芝士撻，終於唔使搭船過大海！最近登陸氹仔廣東大馬路的「芝士工坊（Holy Cheese）」所炮製的餅撻、甜品及麵包均以芝士為主角，當然少不了當紅的半熟芝士撻！
芝士撻 MOP 16
特別加入北海道芝士，口感香滑又輕盈。（李國星攝）
餅店大部分糕點為自家研製，而芝士撻更創下日賣近千件的紀錄，認真巴閉！芝士撻由人手搓製，每日限量供應1,000件，其內餡以三種芝士混合而成，口感滑溜又Creamy，帶來「半熟」口感；而撻底則有如曲奇般鬆化，與芝士餡十分合拍。此外，塔狀的「雪山芝士蛋糕」亦值得一試，以芝士蛋糕配上微酸的忌廉，香濃而不膩。除了甜食，麵包同樣芝味十足，如店家自創的「藍莓芝士包」，不但夾雜粒粒藍莓及杏片，內裡亦注滿芝士，香口鬆軟。
雪山芝士蛋糕 MOP 20
混入兩款芝士炮製，最後淋上奶香忌廉，味道有點像紐約芝士蛋糕。
麵包有鹹有甜，包括「洋蔥香腸芝士包」及「藍莓芝士包」等。
下載APP