現年41歲嘅鄧健泓(Patrick),同29歲香港歌手石詠莉(Sukie S)拍拖三年,兩人感情一直都好穩定。日前,石詠莉喺IFPI頒獎禮上成功奪得「十大銷量廣東唱片」及「IFPI十大銷量本地歌手」兩個大獎,真係可喜可賀。喺頒獎禮結束後,Patrick就非常識做,即時搞咗個驚喜Party向女友求婚,搞到Sukie S感動到爆喊!
鄧健泓搞咗個驚喜Party向女友求婚,搞到Sukie S感動爆喊。
求婚成功後,鄧健泓高調喺Facebook向女友發表愛的宣言,佢話:「我不富有,但我會將我最好的跟你分享,現在和將來都會把我最好的給你。」其後,Sukie S亦甜蜜回應話:「在一個毫不知情的驚喜派對上,眼淚都按捺不住了,看見他(Patrick)為我默默所做的一切,每個細節都花盡心思。大家日後可以叫我做鄧太,感恩,一路上有你。」
鄧健泓喺Facebook發表愛的宣言冧爆女友。