昨日，林峯在香港舉行祝捷會，慶祝新碟《Trap》剛剛推出一個星期，銷量就已超過30,000張的白金唱片成績，亦順便為下月於紅館舉行的演唱會宣傳。林峯透露演唱會舞台設計會採用史無前例的360度快速旋轉台，還會在半空演繹天馬行空的舞步，他笑言自己畏高，所以其實是在玩自己。
林峯透露這次演唱會已經提前買重保險。
在接受採訪時，林峯透露這次演唱會將有一個全新的360度快速旋轉台，他說：「舞台嘅設計係好似血管咁，完全係配合主題，感覺有啲迷幻，自己未有機會試下個台，仲未知轉到幾快。」問到女友吳千語是否每場都會來捧場？他笑說：「唔會！一場就夠啦！留番啲飛畀其他人。」
林峯在祝捷會又唱又跳新歌〈Heart Attack〉，非常落力。
英國採購戰衣
為演唱會極速減磅的林峯，明顯瘦了一個碼，他透露之後還會繼續Keep Fit：「而家144磅，距離演唱會仲有一個月，要再減啲同操體能，如果唔達標可能要絕食先得。」問到個唱的服裝是否很少布？林峯表示：「形象指導馬天佑準備嘅服裝非常環保，其中一件係預咗畀我脫，啲衫係佢親自去英國揀，所以好特別。」
林峯慶祝新碟《Trap》銷量超過30,000張。
為個唱買天價保險
談及演唱會的兩大特點，林峯表示：「有一部分跳舞環節叫做『天馬行空』，另外有一個快速旋轉舞台，係要考驗自己平衡力，太快唔知會唔會飛出街。不過，本身我畏高，都預咗舞台有少少離心力。」為咗演唱會去到咁盡，所以林峯透露今次買重保險，他說：「之前會買七位數，今次仲會多啲。」
林峯笑言女友吳千語只會看一場演出。
下載APP