古天樂（古仔）、鄭嘉穎、張智霖、鄧麗欣（Stephy）等主演的新戲《L風暴》，上月底在港澳地區上映，票房和口碑不俗。日前，Stephy出席電影慶功宴。她稱未能與一班型男做對手戲有點遺憾：「主要對手係古仔，同嘉穎僅得一場戲，未能參與佢哋嘅鬥爭之中有啲失望。」 （文：植筱詩）
鄧麗欣有份演出的新戲，票房和口碑俱不俗。
《 L風暴》內地將於月中上映。
在新戲中，Stephy 有場戲要在高溫下穿着褸逃跑，幾分鐘戲拍足一整天，她說：「啲車喺我身邊飛嚟飛去，大家唔想有任何意外發生，所以攝影機擺位同排練都好耐。我自己冇乜經驗，所以都好謹慎聽指示，自己都有少少怯。」片中她與古仔關係微妙，問她古仔「升呢」影帝後，演技和以前有否分別？ Stephy笑言：「我同佢拍嘅時候佢未做影帝，佢梗係有做影帝潛質。」
（左起）鄭嘉穎、張智霖及古天樂在片中的鬥爭戲與Stephy無緣。
在新戲中，鄧麗欣表示未能與一班型男做對手戲感遺憾。
鄧麗欣在片中主要和古天樂演出對手戲。
否認被偷拍車中親熱
Stephy自從承認和台灣棒棒堂前成員邱勝翊（王子）拍拖後，不時被人拍到兩人外遊的相片。近日，有香港雜誌偷拍到他們於尖沙嘴逛街，回程時更再車上頭貼頭，懷疑在車上有親熱舉動。對此，Stephy否認：「你又知？當時我只不過係用電話搜尋附近有啲咩好食嘅，佢（王子）剛好將個頭貼近一齊睇，又咁啱呢個畫面被人影低咗。」
鄧麗欣和王子不時被拍到一同外遊。
鄧麗欣與王子愛得火熱。
鄧麗欣否認和男友在車中親熱，指兩人只是在搜尋附近的餐廳。
出街習慣保持距離
問到兩人會不會情不自禁當街親吻？Stephy即時否認，又指兩人出門習慣保持距離，即使公開了戀情，都不會高調放閃：「在香港始終都會覺得有好多人睇住，出去旅行可能好些。」講到兩人曾被拍到著情侶衫，Stephy笑謂：「以後都唔著啦，哈哈！（怕被人笑？）唔係，我都好少著，只不過係嗰次，正好係佢代言品牌嘅衫。」
鄧麗欣和王子公開戀情後，愈愛愈高調。
不介意情侶檔工作
談及和王子在工作上有否合作空間？ Stephy說：「有機會都一定會，如果大家有同樣話題更加好，幕前合作唔抗拒，最重要係劇本啱。」提到若以情侶檔工作就可公然放閃時，Stephy甜笑說：「我覺得都要揀，有錢齊齊搵都唔錯，暫時未有人斟，我有諗係咪情侶檔，就算係電影同品牌，品牌都唔會亂搵代言人，都要適合先得。」
鄧麗欣唔介意與王子以情侶檔出騷搵銀。
下載APP