劉德華（華仔）將於今年12月，在香港紅館舉行一連舉行20場「My Love Andy Lau劉德華 WorldTour」跨年演唱會，引來全城搶飛熱。日前，華仔現身香港洲際酒店舉行記者會，他得戚自爆在開學日扮Batman送愛女返學沒被人發現。對於昨日早上10時開始在網上發售個唱門票，網絡迅即大擠塞，人人抱怨無法進入網站買飛，華仔坦言對此早有心理準備。 （文：植筱詩）
今年底，劉德華將在紅館跨年連唱20場。
秘密送愛女開學
華仔問觀眾對他有甚麼難忘的地方？現場粉絲大叫「靚仔」，華仔回應：「細細個我爸已經話畀我知。」談到難忘畫面時，熒幕展示華仔過去在演唱會中造型，當中跳拉丁爆褲相片最為深刻，華仔形容：「係不可修補嘅裂縫，自從嗰次之後，造型嘅褲都會整闊啲。」心情大靚的華仔對傳媒表示，任何問題都會答，有記者即時問他，開學日是否有送女兒返學？華仔笑言：「就係知你哋會問呢啲，所以搞晒你哋嚟呢度，唔好搞我個女，今早我好似Batman咁，冇人發現我入過學校。」
今年6月，劉德華被目擊與太太參加囡囡的幼稚園畢業典禮。
在記者會上，劉德華以棟篤笑形式又唱又跳。
見到自己跳拉丁舞爆褲的照片，劉德華急忙以手遮掩。
預備腹肌模型頂替
華仔現場跳了一段歌曲〈獨自去偷歡〉的舞步，問到現時腰傷如何，他指已經沒有問題。其後，現場介紹個唱唯一的嘉賓，原來是華仔1：1的模型，他表示：「都唔知點解七嚿腹肌鴛鴦，但未來日子裏面，睇唔睇到七嚿就未必得，因為已經係七年前嘅事，未必返得到嚟，曾經都Call過佢，招呼都唔打就Cut咗我線。」
劉德華打趣謂自己為個唱準備了一張「大碟」。
現場唯一的嘉賓是有七嚿腹肌的人型公仔。
個唱請專人提示走位
談到現在的身體狀況，華仔指從醫學角度來看，神經線已經被破壞就無法恢復，現在他的腳指偶爾麻痺，他說：「我而家對咩都有陰影，停車會驚後面嘅車撞過來，有嚴重嘅創傷後遺症，但會樂觀面對。」華仔指這次演唱會一切會安全為首要，更會特別聘請專人透過耳機提示他走位，以避開舞台危險位置。
墮馬受傷後有陰影 今次個唱劉德華會請專人提示他走位。
靚位飛炒至近四萬
對於個唱門票昨日早上10時開始在網上發售，網絡?即大擠塞，人人抱怨無法進入網站買飛，更有粉絲到歌迷會華仔天地的網上投訴，華仔坦言對此混亂情況早有心理準備。雖說一票難求，但華仔的門票在非官網已經出現天價炒賣情況，黃牛黨不單場場有飛賣，在尾場的握手位個別票價更炒至港幣38,888元（約澳門幣40,000元），情況實在瘋狂。
劉德華個唱甫公開售票便令網絡擠塞，門票亦瞬間沽清。
劉德華個唱門票的握手位置，有黃牛黨炒至近40,000元一張。
下載APP