眾人為舞台劇認真綵排。
胡琳笑指綵排到現時都未能咀到陳志雲，更表示一定會來個突擊強吻。
志雲大師扮星爺講金句。
胡琳拍片扮羅家英。
Bianca覺得陳志雲的嘴好似「熊啤啤」。
由陳志雲、倪秉郎與胡琳（Bianca）主演的舞台劇《主席萬歲萬萬歲》將於12月20至23日於香港公演，藉以向香港電影致敬。眾人為宣傳舞台劇無所不用其極，志雲大師先牽頭大玩「港產電影金句挑戰」，他先拍片扮周星馳（星爺）大講對方的經典電影金句，然後繼續Tag其他人挑戰。至於Bianca則在電台宣傳舞台劇時，大爆到時一定會上演與志雲大師咀嘴一幕，想起都「重口味」！ （文：黎永樂 圖：相關機構）
志雲大師日前率先在社交平台留言「宣戰」：「 嚟緊我演出嘅舞台劇主題係關於電影圈，劇中會有唔少電影金句，所以我就想挑戰一下大家對港產影片有幾熟悉！玩法係要大家講出一句港產電影，再tag兩位朋友接受挑戰！」他更扮星爺講出《少林足球》金句「人如果無夢想，同條鹹魚有咩分別？」並向陶傑與Binaca下戰書。
扮羅家英上身
Bianca拍片時即羅家英上身，以扮演對方在《國產凌凌漆》中角色「聞西」來「找數」，並大講經典對白：「呢支唔係普通嘅電筒，呢支係唔使電心嘅太陽能電筒，喺有光源嘅時候佢會著。（如果冇光呢？）絕對唔會著。」之後她即挑機舞台劇拍擋倪秉郎和阮兆祥。
笑志雲肉嘴似「熊啤啤」
Bianca亦自爆綵排時未能錫到陳志雲：「我覺得佢一直逃避緊我，仲未有機會錫到，唔知佢係咪想喺台上留番個真實感覺。」她又指對方經常露出超驚的表情：「驚我咬佢咁。（要強吻？）係要突擊佢嘅。」問到老公會否呷醋？胡琳笑指他不知情，但屆時必捧場，更開玩笑指陳志雲的嘴好似「熊啤啤」。
下載APP