Angelababy愛貓唔少粉絲都知,不過佢反對為貓貓絕育。話說今日Baby家中小貓添丁,佢話:「明白醫生嘅建議係想令小動物健康啲、長命啲,但如果人為咗活到100歲,而成世失去某種權利同只係食冇味道嘅嘢,咁就冇乜意思啦!」
不過,有網民就唔多同意佢嘅講法,仲話Baby無知,因為Baby養嘅係「摺耳貓」,呢種貓貓先天基因缺憾,有遺傳性骨骼病,貓貓本身會受到好大嘅痛苦,所以唔少關注貓貓組織都呼籲大家唔好再繁殖「摺耳貓」,仲有自稱係「摺耳貓」貓主嘅網民話:「我都係摺耳貓貓主,但我好明白摺耳貓應該要被禁止私人繁殖。請你有同理心及多讀一點書!」