隨著新特蘭於周三晚的補賽主場三球輕取愛華頓後，今屆三支英超降班球隊亦全部揭盅，當晚以4：2擊敗屈福特的諾域治，來季將與紐卡素及維拉齊齊「降呢」到英冠比賽！
新特蘭打敗愛華頓後，宣布成功護級，今季三支英超降班隊伍亦揭盅。（法新社圖片）
今戰取得贏波三分，即可提早宣布護級成功的新特蘭，甫開賽便展示出其爭勝決心，憑雲安荷特及林米尼干尼的入球，半場已領先兩球。「黑貓」換邊後繼續尋找保險球，結果林米尼干尼再建一功，助球隊最後以3：0大勝。多添寶貴三分後，新特蘭有38分在手，篤定在今屆英超尾四過終點。
同日「唔贏冇命」的諾域治，縱在主場亦以4：2戰勝屈福特，惟他們多取贏波三分後，手中累計積分亦只有34分，就算在周日煞科戰再次贏波，亦肯定未能趕過新特蘭，與同是34分的紐卡素同日雙雙被踢進降班深淵。另外，利物浦主場對車路士的一場無關痛癢的比賽，最終兩隊各一言和，肯定在中游衝線。
新特蘭球迷慶祝球隊保留英超席位。（法新社圖片）
曼市雙雄成煞科日焦點
英超冠軍及降班球隊誕生後，周日煞科的焦點就會落在「曼市雙雄」身上，兩支同市兄弟將會爭逐最後的一個下屆歐聯參賽資格。暫排第四位的曼城目前形勢較有利，暫兩分領先第五位的曼聯，兼得失球差有多達18球優勢。
諾域治球員得悉球隊降班後，個個人一臉哀愁。（法新社圖片）
下載APP