吳千語在香港出席品牌活動,她透露品牌老闆曾邀請她到法國波爾多酒莊作客。吳千語說:「都幾想去,我對紅酒都有少少認識,都幾飲得㗎!」談到酒量,吳千語大爆男友林峯比自己更飲得,她說:「佢飲得多啲,不過我新陳代謝畀佢好,第日就冇事。佢飲醉就會好囉唆,講人生道理,我飲完就會Crazy啲,出去跳舞。」
問是否暗示男友年紀大?吳千語笑而不語。談及早前有報道指林峯家人來港聚餐時,對吳千語態度冷淡。對此,吳千語即場否認:「當時係影到我哋行出嚟,佢哋嚟香港我哋都經常會食飯。」問到父母有否催婚?她說:「我有個親戚生BB,佢個陪月好好,問我要唔要Book定。不過十劃未有一撇,我未準備好,暫時未有咁嘅諗法。」