歐國盃最後一場第二輪分組賽，由葡萄牙對奧地利，結果在基斯坦奴朗拿度（C朗）射失12碼的情況下，兩隊以0:0賽和。葡軍兩戰得兩分排小組第三，要爭出線下場對匈牙利絕對不容有失。
首戰對冰島攻極唔入肉嘅葡萄牙，今仗正選陣換入「扭波王」哥利斯馬，期望能加強攻力，但一開波就險先失分，33分鐘夏歷喺門前無人看管竟然頭槌頂斜，葡萄牙得以保住不失。12分鐘到葡萄牙進攻，拿尼左路突破窄位一射被救出。29分鐘，拿尼頭槌攻門又中柱，兩隊半場未有入球。
下半場繼續是葡萄牙佔優，但一直未有威脅埋門。直至79分鐘，C朗禁區內被奧地利守將軒迪列加拉跌，搏得12碼，這位皇馬球王親自操刀，卻竟然中柱彈出；85分鐘，C朗終於入到波，接應罰球頭槌頂入，不過又被判越位在先。最終葡萄牙未能攻破奧地利大門，兩隊以0:0踢成平手，各得一分。`
C朗上場對冰島被指擺款拒握手、唔肯交換波衫，今場賽後與一名球迷合照。
下載APP