現年36對嘅演員白只憑電影《踏血尋梅》奪得今屆香港「金像獎」最佳男配角同最佳新演員，演技備受肯定。日前，白只被爆同22歲嘅《狂舞派》女主角顏卓靈拍拖，兩人被拍到於茶餐廳撑完枱腳後，喺公園當街激吻。消息傳出後，顏卓靈於facebook貼出同白只嘅鬼馬合照，大方承認戀情。其後，白只甜蜜回應話：「We are so blessed！」
顏卓靈貼出同白只嘅鬼馬合照，大方承認戀情。
噚日，白只同女友顏卓靈一齊現身上環拍攝新戲《今晚打喪屍》。雖然係公開戀情後首度現身，但兩人都毫不忌諱一齊接受訪問。白只話兩人拍拖已經一段時間，仲話自己未過試用期。講到兩人被拍到當街激吻，白只解釋：「我哋唔係招搖，只係好似一般情侶咁冇乜避忌。」白只仲話視女友為結婚對象，佢話：「我哋對呢件事都好認真，要做嘅我哋都按部就班進行當中，亦希望呢段關係一生一世。」
白只視顏卓靈為結婚對象，希望兩人嘅感情可以一生一世。
下載APP