早前上映嘅迪士尼動畫《優獸大都會》（Zootopia）全球票房大收，贏盡口碑。故事以擬人化嘅獵食動物同草食動物共處喺一個理想城市，帶出消除偏見等正面訊息，但原來電影之前初稿嘅版本係比較殘酷同黑暗。
Byron Howard同Rich Moore兩名導演透露電影最初係講狐狸Nick Wilde點樣喺被歧視下生存嘅故事，所有獵食動物都要戴電擊頸箍，不過後來認為咁嘅故仔太負面，佢哋將劇情大幅改動，亦將兔仔警官Judy Hopps變成主角。
電影被刪走嘅初稿動畫日前曝光，狐狸Nick Wilde同兔仔警官Judy Hopps潛入北極熊派對入面，一隻小北極熊接受爸爸嘅禮物，禮份就係一個電擊頸箍，當小北極熊天真無邪咁戴咗個頸箍之後，亦因為佢嘅興奮情緒受到電擊痛楚，真係睇到都心噏。
下載APP