繼喺北京舉行盛大婚禮後，台湾女星陳妍希與內地男星陳曉又去到台北舉辦歸寧宴，已經懷孕嘅陳妍希以一身束胸禮服現身，露出強勁事業線。圈中好友包括：任達華、關穎、安以軒等都現身祝福，而楊丞琳就喺婚宴上特別獻唱了〈Dream a little dream〉及〈Yellow〉兩首歌，為一對新人送上祝福。
電影《那些年，我們一起追的女孩》導演九把刀，當晚亦有出席婚宴祝福佢心中嘅「沈佳宜」，不過戲中男主角柯震東就因為喺國外拍戲，冇辦法參加婚禮，令唔少網民都好失望冇得重現《那些年》中嘅經典橋段。不過， 導演九把刀就代替柯震東上陣，當眾強吻陳妍希嘅老公陳曉。事後，九把刀喺Facebook貼同陳曉親吻嘅相，佢話：「婚禮中，大家很莫名的期待這個橋段發生，我們倆只好用力閉著眼睛，實現每個人的美夢了。」
下載APP