ViuTV首部自製劇集《瑪嘉烈與大衛系列——綠豆》，自播出以嚟大受歡迎。雖然劇集已經圓滿落幕，但就一直是非不斷。繼早前有傳廖碧兒喺片場扮大牌後，日前又爆出兩位導演同編劇「南方舞廳」不和。據聞兩位導演一直企喺周家怡嗰邊，為咗令佢角色冇咁乞人憎，畀好大自由度周家怡改劇本，甚至最後一場重頭戲都改咗對白，偏離晒「南方舞廳」嘅角色設定。
對此，周家怡話自己劇中嘅角色同預計有偏差，佢話：「最初開會時，我都唔知瑪嘉烈係咁水性陽花，都有擔心大家唔鍾意個角色，因為我最初只得四集劇本。」對於有傳導演畀自己任改對白？周家怡解釋：「其實我冇乜點改劇本，只係最後一場，我只係想瑪嘉烈更有人性化。」問佢有冇同廖碧兒爭戲分？周家怡否認話：「梗係冇啦！一套戲好睇唔係一個人嘅，全部角色都應該要發揮效用。」
下載APP