昨日，古天樂（古仔）和楊千嬅一起出席公開活動，兩人即場炮製沙律等美食。古仔不僅持刀切青瓜，還大顯身手玩Shake Shake和「拋樽」，問到拍拖時是否有女友為他下廚？古仔即扮聾聽不到。另外，談及近日被拍到當街和老公丁子高鬧交，楊千嬅表示自己不會鬧人，更反指古仔惡過自己。
楊千嬅否認當街與老公丁子高鬧交，表示自己只會用文字「腰潤」人。
在接受訪問時，楊千嬅表示平時會和兒子Torres一齊整蛋糕同曲奇。問到老公丁子高的廚藝如何？楊千嬅坦言老公好鍾意下廚，她說：「佢廚藝都幾掂，不過男人煮嘢，就唔好要求佢洗碗同執手尾，次次都好似打完仗咁，成地都係嘢。佢最勁係試過煲魚肉粥，雖然魚肉係姐姐拆嘅。」
古天樂和楊千嬅一起出席公開活動，兩人即場炮製沙律等美食。
古仔被問感情事即扮聾
古仔自爆煮嘢食對自己來說有難度，他說：「西餐好少少，中菜完全唔識。媽咪都係好後期先學中菜，我係食牛扒同薯條大嘅。」古仔透露身邊有好多朋友就像大廚般厲害，不過全部都是男仔。當問到女友是否為他下廚時，古仔即扮聾聽不到，不停說：「咩話？」再問女友識煮嘢食會否加分？古仔聽畢又借媽媽過橋：「我阿媽煮嘅當然加分！」
當被問到感情事時，古天樂即扮聾聽不到。
楊千嬅否認當街鬧老公
近日，楊千嬅被拍到當街黑臉和丁子高鬧交，被指惡妻上身。對此，楊千嬅否認表示：「我好惡咩？我唔會鬧人，鍾意『腰潤』人。我唔會用音量同聲線，只會用文字。」其後，楊千嬅又拖身邊的古仔落水：「佢個樣仲惡過我喇。平日喺街上有意見不合都唔會嘈，我冇乜所謂，總之唔使我諗嘢就得。」
下載APP