林嘉欣主演的《死因無可疑》演出獲觀眾讚賞，不過金像獎多了提名對手，恐怕影響她憑片爭影后。（電影劇照）
對於金像獎延期，林嘉欣替導演老公袁劍偉不值！（林嘉欣Facebook圖片）
香港電影金像獎昨日（28日）宣布，原定下年舉行的「第40屆香港電影金像獎頒獎典禮」順延至2022年舉行，同時將今年與2021年符合香港電影金像獎參選資格的電影，將於2022年首季合併進行投票及頒獎。受新冠肺炎疫情影響，港府下令關閉香港所有戲院，直到疫情緩和後才重開。不過今年上映的香港電影寥寥可數，入圍機會大的就只有林嘉欣主演、其導演老公袁劍偉執導的電影《死因無可疑》及鞏俐的《奪冠》等。嘉欣今日出席活動時，提到她無論宣傳和聲勢都被時間削弱，作為演員的她表示不覺輸蝕，反而就戥老公不值！
嘉欣接受訪問時表示：「對我嚟講金像獎一定係左度右度，大家討論過先有最後決定，今年少戲上，所以佢哋應該諗咗好多次先有呢個決定，我梗係尊重大會。」兩屆合併覺得自己爭影后會否輸蝕？她說：「我太鍾意表演，太鍾意戲劇，所以冇蝕唔蝕，鍾意嘅話，初衷係唔會變。」問到老公袁劍偉對金像獎延期的睇法，嘉欣說：「佢就慘啲囉，我係演員可以咁放任，但佢放嘅時間比較耐，我問佢OK嘛，佢話尊重大會，係冇辦法之中嘅辦法。」（編輯：黎永樂）
下載APP