現年32歲、善拍喜劇、少林寺出身的內地著名男星王寶強，今日凌晨約12時半突然喺微博發聲明，宣布與結婚七年的太太馬蓉離婚，直指她和經理人宋喆偷情，而馬蓉亦作出反擊，指自己隨時向外發放手頭上嘅「證據」，爆王寶強大鑊。
王寶強在聲明中指，老婆與經理人發生「婚外不正當兩性關係，嚴重傷害了婚姻、破壞了家庭」，故他決定結束夫妻關係，並炒宋喆魷魚。王寶強強調，一切依法處理離婚事宜，並盡力讓雙方父母及兩個未成年孩子所受的傷害減到最低，希望他們繼續平靜的生活。
其後各個當事人紛紛發聲，馬蓉喺微博發文：「欲蓋彌彰，善惡自有真相，不是不爆，時候未到。」從文字上馬蓉似乎反指「有問題」係王寶強，當中「不是不爆」呢一句好似係有證據摣手，隨住「綠帽疑雲」再發展落去，馬蓉有機會向外發放手頭上嘅「證據」；被指是「第三者」的宋喆亦有轉發王寶強的聲明，並指「我比你帥多了」。而宋喆嘅太太楊慧慧則喺微博度寫咗一句說話：「因果有時報。」
此外，一位王寶強的圈內好友透露：呢件事，王寶強其實喺幾個月前就發現。王寶強係一個很傳統嘅人，他經常喺出面拍戲，幾個月都唔翻屋企。於是，經理人宋喆乘虛而入。王寶強發現後，為咗家庭，為咗孩子，曾苦苦相勸妻子。但都無法改變，最後讓王寶強忍無可忍，才作出離婚決定。
下載APP