楊茜堯現時專心湊女，不過她有意產後復出過戲癮。 （楊茜堯微博圖片）
《On Call 36小時》是羅子溢和楊茜堯的定情作，二人之後都無再合作。 （《On Call 36小時》劇照）
今日（10日）有港媒報道指，最近為家人健康而改了藝名的楊茜堯和羅子溢（原名楊怡和羅仲謙），這對恩愛夫婦有意一起拍住上夫妻檔往內地拍劇集，順便為二人囡囡「小珍珠」羅翊心搵奶粉錢。消息指楊茜堯自從誕完BB後﹐開始戲癮發作！而羅子溢近日在TVB劇集《木棘証人》中演技獲不少網民好評，加上有製作公司出動銀彈攻勢，打動兩公婆主動返內地拍劇搵人仔！
據報道指，最近有影視公司出動天價八位數字成功邀請到羅生羅太以夫妻檔身分拍劇，成事的話，這會是二人繼定情作《On Call 36小時》後再度合作。由於老公羅子溢外形俊朗，向來異性緣甚旺，老婆楊茜堯除了搵錢和過戲癮外，當中令她想陪老公一同拍劇的其中一個原因，就是趕走老公身邊的「狂蜂浪蝶」，做跟得夫人幫手杜絕子溢的「爛桃花」！該劇除了二人答應演出外，其他主要演員還包括張智霖（Chilam）、黃浩然和李彩華等，拍攝期將長達兩個多月，全劇在內地取景。
對於夫妻檔拍劇，羅子溢接受訪問時未有否認，但就大賣關子：「嚟緊係會離開香港開工，但詳情真係唔講得住，留番有關方面公布啦！（捨唔捨得『小珍珠』呀？）應該咁講，我依家咁努力，都係為咗佢嘅將來啫！」近日子溢忙於開工和劇集宣傳，不過也仍非常努力操Fit身型做準備，也會抽時間陪伴「小珍珠」，爭取兩父女的相處時間，做個百分百好爸爸。 （編輯：黎永樂）
下載APP