王浩信（左）憑「盲俠」一角競逐視帝，究竟好友張振朗能否截糊搶獎？（《踩過界II》劇照）
張振朗與龔嘉欣有份演出《堅離地愛堅離地》，兩人都答謝觀眾對他們的支持。（《堅離地愛堅離地》劇照）
陪跑16次的林峯挾《使徒行者3》「爆Seed」一角加入視帝戰團，能否破蛋睇今次。（《使徒行者3》劇照）
黎耀祥（左）與陳豪齊齊競逐視帝寶座。（《殺手》劇照）
無綫《萬千星輝頒獎典禮2020》將於本周日（10日）晚舉行，視帝、視后之位再成觀眾熱話！不少傳媒賽前預測備受力捧的龔嘉欣成視后大熱人選；至於視帝寶座競爭超激烈，除了多位歷屆視帝黎耀祥、陳豪、王浩信，甚至連陪跑16次的林峯也挾《使徒行者3》「爆Seed」一角加入戰團，不過，當中的黑馬張振朗也不能睇小，一年內總共有五劇擔正，包括現正播出的《堅離地愛堅離地》，完全有力狙擊一眾前輩。
張振朗近日出席新劇宣傳活動，期間接受記者訪問，大談「開戰」前夕感想，他主演的五部TVB劇集先後於去年播出，他直認2020年是他的豐收年，同時感恩觀眾肯接受他演的每一個角色：「五個角色都唔同Style，係我做每一個角色嘅要求，好多謝觀眾接受我。」他同時在今年頒獎禮上獲「最佳男主角」與「最受歡迎電視男角色」提名，他對獎項抱著平常心：「今年觀眾接受咗我已經好開心，慢慢一步一步嚟，唔急。」比起男主角，他反而更想奪得「最受歡迎電視拍檔」一獎。
其實張振朗一早坦言睇好黎耀祥稱帝，至於與振朗並肩作戰的好拍檔王浩信，今屆再憑人氣劇集《踩過界II》「盲俠」一角競逐視帝，他近日亦有接受傳媒專訪大談得獎信心，他謙稱不想太多：「每年都唔知，所以都係唔好諗好啲，盲俠個角色唔易做，又要演盲，又有法庭戲，對白又多又快，而且套劇好有驚喜，我睇嘅時候都喊咗好多次。」曾奪此角奪過視帝的他再次角逐，他自認今次對演出有進步，細節位掌控得更好。提到前輩林峯都爭埋一份，他表示：「林峯好強勁，係師兄，識英雄重英雄，交畀觀眾處理。」（編輯：黎永樂）
下載APP