與ViuTV「敵人」合作惹怒無綫

吳業坤否認被飛起新劇演出
19/05/2021
19411
收藏
分享
吳業坤否認被飛起新劇演出
吳業坤否認被飛起新劇演出
吳業坤否認被飛起新劇演出
吳業坤否認被飛起新劇演出
吳業坤否認被飛起新劇演出

吳業坤自從劇集《殺手》後,就未有新劇出街,現時正在還放完風流假後的工作債。(TVB劇照)

193(右)和吳業坤高調合作,有傳此舉惹怒無綫高層。(吳業坤IG圖片)

一直被觀眾批評「小器」的無綫,今日(19日)傳出報道,歌手吳業坤(坤哥)去年缺席音樂頒獎禮,更到日本工作假期五個月,有指此舉已令唱片公司高層不悅,回港後須趕錄幾首新歌,及投入新劇拍攝補鑊;可是,有傳他近日因與ViuTV出身的藝人組合ERROR成員193(郭嘉駿)合作,更冒住「被照肺」的危機公開攬頭攬頸相。193經常在公開場合揶揄TVB,本已是無綫「敵人」,無綫得悉坤哥與「敵人」合作,即把他飛出新劇,不過坤哥就否認被飛起一事。

吳業坤自從由日本Working Holiday返回香港後,休息時間都無便要立即投入工作!除了錄新歌外,他的首要任務是拍TVB新劇,是一部與港姐陳曉華和陳敏之等合作的廉正公署新劇,但有消息指其角色忽然「被消失」,加上他近日高調孖「友台」藝人193合作,雖然坤哥已「預警」只是找一年前的「合唱數」,但無論如何解釋,有傳此舉都已得罪無綫高層,最終他在新劇中無份演出,現時只能聽候發落!

據悉,坤哥一直等待新劇拍攝工作的消息,早前劇組終於聯絡他為新劇開會,但當時他已有所保留說:「其實一直斟酌緊,因為除咗呢齣劇,仲有其他工作排緊,叫做少少周旋緊,睇吓可唔可以兩邊(工作)都順利做到囉!但你都知講唔埋啦!」不過,劇組明日舉行的造型記者會,有指他已被飛出演員名單之列,坤哥有向傳媒解釋:「套劇係尋(前)日決定唔拍嘅,因為我會去做奧運嘅嘢,兩個只能活一個,係拍唔到,唔係唔拍。」他強調沒有得罪TVB高層,並否認遭到「雪藏」,昨日更在社交網上載食麵相並留言暗示多嘢做到無時間和大家分享生活瑣事。

吳業坤(左)接受《StarTalk》主持許文軒訪問,大談赴日本工作假期的感受。(資料圖片)

吳業坤挑戰由京都步行到東京,期間更忍不住爆喊。(吳業坤IG圖片)

另外,坤哥近日作客TVB節目《StarTalk》訪問,大談赴日本Working Holiday的感受。 坤哥說:「本身2月想返香港,但覺得自己好似咩都冇做過,好頹廢,有啲良心掙扎,所以決定挑戰『東海道五十三次』,由京都步行到東京。」 吳業坤稱第一日就行了40公里:「實在高估咗自己,搞到對腳、膝頭同腳腕都好痛,行咗四、五日先可以適應,都有一刻諗過放棄,想搭車返去京都。每日最期待就係去到旅館嘅澡堂浸腳,浸咗成個鐘都唔想出嚟!」

坤哥續說:「路,好似人生咁!開始咗就冇得返轉頭,有咩都要硬住頭皮上。行到第13日,自己有一邊寫歌一路行,行行吓唱到『如累了,請你只要相信捱下去』觸動咗自己,一路行一路喊,喊咗成個鐘。」他又表示雖然覺得旅程有頹廢的時候,但覺得今次的確拋開了過往沉澱的事情。「以前成日做訪問話要沉澱,原來一直積聚咗喺度,今次真係打通晒!返咗香港之後我真係開心咗好多!」坤哥直言經過今次旅程,自己成熟了不少:「可以同大家講,都想搵返個女朋友!(在日本有否認識新朋友?) 有,睇吓可唔可以發展到,認識朋友一定有,男女、日本人都有,不過唔一定係揀日本女仔。如果真係有女友,都冇乜所謂,可以公開畀大家知,但依家真係冇!」(編輯:黎永樂)

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報