廁所求婚過程既浪漫又爆笑

洪永城宣布迎娶女友梁諾妍
10/06/2021
21457
收藏
分享
洪永城宣布迎娶女友梁諾妍
洪永城宣布迎娶女友梁諾妍
洪永城宣布迎娶女友梁諾妍
洪永城宣布迎娶女友梁諾妍
洪永城宣布迎娶女友梁諾妍

洪永城宣布迎娶女友梁諾妍,並表示娶到對方是他的福氣(洪永城IG圖片)

梁諾妍爆洪永城於廁所內求婚,過程既爆笑又不失浪漫。(洪永城IG圖片)

洪永城與梁諾妍在運動場上影婚照。(洪永城IG圖片)

37歲TVB藝人洪永城(Tony)在2019年承認與梁諾妍(Inez)拍拖,拍拖期間兩人屢傳婚訊,不過二人多次否認。直到今年初,Tony終於漏口風,表明希望明年可以派雙封利是。如今有情人終成眷屬了!今日(10日)兩人正式公告結婚大喜訊,這對準新人由求婚到影結婚相,也是充滿著無限溫馨及成籮笑料,Inez回想在洗手間求婚過程笑到喊,結婚照則配合兩人性格,簡約之中不失搞笑本色,從今兩人願餘生一起笑住過!

早前,Tony和Inez秘密地影了一輯極有創意又搞笑的結婚照,由於他們均是熱愛運動之人,所以結婚照也甚具動感,衣著以簡約便服為主,其中一款是他們以背心T恤、短褲加波鞋在運動場上飛躍而起,最搞笑是Tony以白T恤配煲呔,而另一款則是在湖邊的溫馨鬼馬相,一身背包行山Look,襯返洪永城喜歡周圍出走的性格。兩人雙手緊握在一起,寓意他們手拖手,今後一起笑住過!

即將成為人夫的洪永城表示:「我喺年初已求婚成功,目前正著手籌備婚禮,計劃在今年內舉行,確實日子稍後公布。」他亦有在社交平台上宣布喜訊,並分享結婚感受,Tony說:「由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居、到我們至愛Coco離世、到開工連晚安早晨都沒有機會同你講、到今日一齊攜手踏上我倆的新旅程好在有你,緊握我手,我希望一世都有你在身旁,追到你是我的僥倖,娶到你是我的福氣。Let’s get Married!」

身為洪永城好友的黃翠如,一早知對方要做老襯,並向好友送上祝福。(洪永城IG圖片)

而女友梁諾妍則說︰「下半生手拖手,繼續一起跑下去,繼續跑去世界每個角落,感恩遇到你,常常帶給我歡樂,照顧我陪我通宵睇動漫睇網球比賽,工作上的互相扶持願餘生我們也要一起笑住過!#我們結婚啦!」至於Tony的「紅顏知己」黃翠如,對於好友即將做老襯,她表示:「當然知道呀,說不出的感動,終於見證佢長大了,叫佢十年前爭我嗰500蚊快啲還畀我,如果唔係唔打隻金豬畀佢!」

準新娘子Inez透露Tony的求婚過程,既搞笑又感人,她笑說:「佢嘅求婚過程係好好笑,好多蝦碌嘢發生,佢喺屋企個廁所度求婚,我覺得好好笑,不過好係佢嘅 style,成個過程我係笑到喊,不過都好感動,有晚佢拍完嘢返屋企,就入咗廁所一陣出嚟,跟住到我人有三急入廁所,佢又跟住我入廁所,當我打開廁所門,原來佢喺廁所度布置咗有一個攝錄機,又喺洗手盆度放咗啲微型燈泡,又有一束鮮花,鏡上又貼咗啲心型卡,仲寫上MARRY ME?我好笑又感動,我問佢點解要喺洗手間求婚?佢話知道我一定會去洗手間,最好笑係佢拎隻戒指出嚟求婚時候,我話我真係好急,你等一等我去完廁所先,結果佢要等我辦完大事再求婚,我就Say Yes!」果然浪漫得來又搞笑!(編輯:黎永樂)

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

實時天氣

溫度
29°C
濕度
83%
大致多雲。有幾陣驟雨。吹2至4級西至西南風。
天氣資料由地球物理暨氣象局提供
在澳門時間 2021-07-25 21:00 發佈

七日預報

7月26日 (一)
溫度 33°C
濕度 95%
早上9時至下午1時內港一帶會因天文潮出現輕微水浸。多雲,部份時間有陽光。有幾陣驟雨及雷暴。吹2至4級西至西南風及有陣風。
7月27日 (二)
溫度 33°C
濕度 95%
天氣酷熱。多雲,部份時間有陽光。有幾陣驟雨及雷暴。吹3至4級西至西南風及有陣風。
7月28日 (三)
溫度 32°C
濕度 95%
多雲,短暫時間有陽光。有幾陣驟雨。吹3至5級西南風及有陣風。
7月29日 (四)
溫度 32°C
濕度 95%
多雲,短暫時間有陽光。有幾陣驟雨。吹3至5級西南風及有陣風。
7月30日 (五)
溫度 30°C
濕度 98%
大致多雲。間中有驟雨及雷暴。吹3至5級西南風及有陣風。
7月31日 (六)
溫度 30°C
濕度 98%
大致多雲。間中有驟雨及雷暴。吹3至5級西南風及有陣風。