黎明：核心裡面係好熱住唔到人

李嘉欣（中）和老公許晉亨都有捧場。（資料圖片）

黎明在舞台上連環送上多首經典情歌。（資料圖片）

一連九場天王黎明（Leon）的香港演唱會前晚（18日）舉行最後一場。尾場吸引不少圈中人捧場，包括「大美人」李嘉欣和老公許晉亨，Leon在舞台上連環送上多首經典情歌《一夜傾情》、《愛比我重要》和《情深說話未曾講》等。唱完歌後便開始Talk騷，他憶述早於20幾年前，去韓國做宣傳時，已有人叫他用手指做心心手勢，但當年他覺得男人送心感覺肉麻和含蓄，他說：「如果我對住山頂朋友做呢個手勢，大家不但睇唔到，可能以為我喺度捽膠布，仲拎住牙籤，不如直情講『I Love You』，起碼有冇反應，大家直接知道。」

黎明自稱不是甚麼「金句王」。（資料圖片）

說到一半，Leon說起自己其實並沒有所謂金句：「我以前講啲嘢有時真係太過跳線，有時講緊一忽，轉個頭靈機一觸又講緊第二啲嘢，所以記者朋友畀咗個稱號做『金句王』。其實我冇乜金句，今晚盡量講啲嘢係令大家明啲。」說到讀中學時經常遲到的原因，原來是與經典名句「空肚食早餐」有關：「我淨係星期二、五先遲到，老豆問我點解淨係星期二、五遲到，我話『我唔可以空肚未食飽早餐就返學！』我一定要有充分嘅能量去製造糖分，令我自己嘅記憶力更加好，我讀書先會叻。所以我要排隊去餐廳買，因為真係好多人買，一定買份早晨全餐。點解決？之後每次要去排隊嘅餐廳，我都唔再去買早晨全餐，求其搵間麵包舖買個麵包咪ok，唔會再遲到囉？」 Leon繼續解釋：「星期一唔食早餐，儲錢，星期二先夠錢買早晨全餐。星期三、四儲錢，星期五先再買，有剩嘅就留返星期六、日用。老師問我既然唔可以空肚，星期一、三、四食咩，我食隔夜餸啫，叮返熱就得啦。好，解釋完。」

其後Leon又談起自己的戀愛觀和夫妻關係，有朋友都跟他說另一半婚前、婚後一個樣時，再爆金句：「核心嘅外圍係愛情，而核心嘅內圍就變咗親情，的而且確係升咗去咁高層次。不過唔緊要啦，人要正面，喺呢個地球上面，我哋係生活喺表層，係咪？核心裡面係好熱，住唔到人，所以大家要互相珍惜，互相保護，互相體諒。」（編輯：黎永樂）