姜濤坦言新歌不會介意成績和外界評論，歌曲今次寫來只為送給故友。（姜濤IG圖片）
姜濤公布推出第八首個人新歌《Dear Ｍy Friend》。（姜濤IG圖片）
在姜濤心中，阿Kin永遠是他最信任的好友。（姜濤IG截圖）
MIRROR暑假輪住出新曲，繼Edan後今次輪到姜濤。（呂爵安IG圖片）
香港男團MIRROR的12位成員今個夏天輪流出新歌，繼其他猛將盧瀚霆（Anson Lo）、柳應廷（Jer）、呂爵安（Edan）後，今次就輪到人氣王姜濤接力，昨晚（4日）姜濤公布推出新歌《Dear Ｍy Friend》，憑歌寄意悼念今年初身邊一位離世摯友阿Kin（花名「中鋒」），他更在社交網限時動態連發12個帖文，表露心中傷感。不少「姜糖」（姜濤粉絲）都紛紛留言說「未聽已想喊」，又指相信這是一首十分touching的歌曲，而姜濤亦坦言這首新歌不需要有太好成績，完全是為了送給故友而寫！
姜濤在社交網上載新歌宣傳照之後，標註了故友名字，並寫道「送給你的」及感性地連出12個限時動態與阿Kin「對話」，他在帖文中親暱地叫對方做「白痴仔」，姜濤表示：「頭先監製send咗八胎（第八首個人單曲）final version俾我，你聽唔聽到？我盡咗力架啦，以前你成日覺得我啲歌一般，呢隻你滿意啦。」姜濤又貼上跟阿Kin的合照，感觸道：「疫情完咗之後呢，我就搵其他人一齊旅行㗎啦，你嗰邊等我老咗再過嚟，等我呀。」
而《Dear Ｍy Friend》將於今天在電台節目首播，並會在各大音樂平台上架。姜濤表示新歌MV已趕製完成，並會加入阿Kin的片段，姜濤又盼望親自跟Kin的父母一同欣賞，並承諾對方家人有任何需要的話，自己跟另一朋友占士一定會盡力幫忙。姜濤又說自己最近好攰，與身邊人相處不好，對之後要做的事沒有太多信心，私下找了舊朋友訴苦，找回私人時間，約定阿Kin以後老了再相見。
阿Kin（左）曾上《全民造星》大爆姜濤的過去。（ViuTV截圖）
現時已成為萬人迷的姜濤以前是個重達200磅的肥仔，曾受欺凌，身邊的朋友知己極少，他曾在ViuTV節目《全民造星》中透露，自己只有兩位好朋友，其中一位就是阿Kin，姜濤還邀好友一齊亮相節目，阿Kin在節目說：「嗰時佢唔係好講嘢，淨係掛住打波，一見到籃球場，就見到佢嘅存在，得閒咪撩幾句，佢都係怕怕醜醜唔係好講嘢。」
直到今年4月，阿Kin打籃球時感到不適，姜濤陪同入院，可惜好友未能走出鬼門關。姜濤曾說過：「呢位朋友係我親眼見佢走，好突然發生嘅事情，我到依家都諗起佢嗰時個樣，我下一首作品，希望你喺天上可以聽到，希望你安息！」而姜濤發文後獲得不少「姜糖」留言鼓勵，其經理人花姐也透露這首姜濤的第八首個人單曲是一首令人十分感傷的作品。（編輯：黎永樂）
下載APP