羨慕梁朝偉形象高級

剛完成134場巡迴演唱會的陳奕迅（Eason），昨日現身香港北角出席「創意廣告大獎2016」頒獎禮。獲得「最Like廣告代言人」的Eason，表示做過最有創意的事情，是小時候在鞋上畫自己喜歡的品牌圖案。問到最想代言的產品時，Eason坦言好想拍High End（高端）產品廣告，更自爆著了皮鞋博形象加分，十分搞笑。

陳奕迅表示做過最有創意的事情，是在鞋身畫喜歡的品牌圖案。

在接受採訪時，Eason坦言作為代言人，一定要真正鍾意自己代言的產品，他說：「要同產品做朋友，一定要好鍾意個品牌，先會投入去做……若果酬勞好豐厚，咁都會迫自己真係鍾意佢（品牌）囉！」問Eason最想和哪位藝人合作代言？他說：「其實拍過廣告嘅人都知，拍廣告嘅過程、喺鏡頭以外都幾悶下，好多時都係暱喺房。」

陳奕迅剛完成134場巡迴演唱會，逾兩億歌酬進帳。

分享童年創意

談及過去做過最有創意的事情，Eason表示是在鞋上畫自己喜歡的品牌圖案，他說：「相信好多人細個都有做過，因為冇錢買波鞋，只可以著『白飯魚』，我會喺鞋身上面，畫一啲自己喜歡嘅牌子圖案。我唔係Hard Sell，我當年畫嘅圖案，而家真係做到嗰個圖案嘅代言人，所以真係好開心。」

上台領獎時，陳奕迅即場分享廣告創意及靈感。

想拍高端廣告

問到目前最想代言甚麼類型的產品？Eason坦言十分羨慕梁朝偉代言的高端品牌，他說：「其實我好少拍High End嘢，有時都會諗，點解成日都係麥當勞、頭痛藥、以羅菓子鹽嗰啲，但係汽車、錶，或者好似偉仔代言嘅賭場、紅酒之類嘅就從來冇我份，所以我今日有備而嚟，特登著咗對皮鞋嚟睇下有冇機會加分。」

陳奕迅表示十分羨慕梁朝偉經常代言高端品牌。